​

XUJA NASRETDIN MÄŹÄKTÄRE

Xuja Nasretdin keyyem şkafı alıp qaytıp quyğan, ti. İşek estän köźgölö bulğan. Bıl şunı asıp yebärgän dä, qısqıra ikän: 
- Bisäkäy, qarale, ağayım kilep töşkän dähä. 
Tegehe yügerep kilep, qarağan da: 
- Yetmähä, ällä nindäy yämheź äbey eyärtep alğan, - tigän imeş.

Taşlayhı äyberźe hatalar time ni?
Xuja Nasretdin baźarźan yemeş alıp qaytqan da ultırıp aşay başlağan. Qatını Xujanıñ yemeşte töşö menän bergä yotowın kürep:
– Ni ösön töştären yotahıñ? – tip horağan. 
– Ä niñä yotmaśqa? Ägär źä ularźı aşarğa yaramay ikän, niñä huñ hatalar? Taşlay torğan äyberźe hatırğa yaray time ni? – tigän Xuja.

Biźgäk darıwı
Ber haran sawźagärźeñ qatını Xujağa kilgän dä:
– Xuja Nasretdin, iremde ösönsö kön inde biźgäk tota. Ut kewyek yanam, ti, ä üźe tirlämäy. Bälki, beräy törlö darıw birergä käñäş iterheñ? – tigän.
– İreñdeñ xolqon yaqşı beläm, – tigän Xuja. – Unıñ aqsahın tap ta aldında tırım-tırağay tarat. Ul şunda uq tirlär häm tiź genä tereler. 

Qamır kiśäge 
Ber vaqıt Xuja Nasretdin ütä haran keşegä qunaqqa kilgän. Başta unı tuyğansı säy esergändär. Şunan huñ aldına aşyawlıq yäygändär źä halmalı hurpa kiltergändär. Tärilkäläge hıwźa ike-ös kenä halma yöźöp yöröy ikän. 
Xuja Nasretdin urınınan torğan da sisenä başlağan. 
Yort xujahı, aptırap: 
– Hin ni eşläyheñ? – tip horağan. 
– Tärilkägä sumam. Alla nasip ithä, bälki, qulğa beräy qamır kiśäge eläger, – tip yawap birgän Xuja Nasretdin. 

Aqsa yaratıw 
Xuja Nasretdin menän haran keşe arahında bäxäs sıqqan. Oźaq hüź köräştergändär, bäxäsläşkändär, aźaq tege haran:
– Hin ni genä äythäñ dä, aqsa şunday nasar nämä ul, unı bötä keşe lä yarata. Xatta hin unı üźeñ dä yaratahıñ, – tigän.
– Bik döröś, – tigän Xuja Nasretdin, – läkin mineñ yaratıwım hinekenä oqşamağan. Min bulğan aqsamdı hineñ kewyek qomhoź keşenän bäyheź itkäne ösön yaratam.

Qaynaq: shonkar