تورک بالاسی TÜRK BALASI

TÜRK DÜNYASI UŞAQ ƏDƏBİYYATI

قیرغیز تورکلری نین تؤره ییش افسانه سی

+0 BƏYƏN

قیرقیز*

 

ساغان خاقانین قیزی،

اوتوز دوققوز قیزیلا.

سیره چیخیر گزمه یه،

آچیق سما یازیلا.

 

قیزلار گونش شوعاسی،

پاریلدایان گولونده .

کوپوگونه ال وورور،

بویلانیرلار گلنده.

 

دوققوز آیدان  سونرادا،

قیرخ قیز بیردن دوغولور.

اوشاق گتیرمکدنده ،

آنالار چوخ یورولور.

 

ساغان قاخان ناراحاند،

قیزلارا اولور بتر.

اونلاری قووور داغا،

چورک ، سوسوز بو سفر.

 

سیرت سیلدیریم قایالار،

دالیجاندا ملامت.

یوخیدی  سو، چورکدن،

یاشایشدان  علامت.

 

آمما اونلار اؤلمه ئیب ،

اونلار اوردا قالدیلار.

قیزلار آنایا چوندو،

آد ،سانلارین آلدیلار.

 

دوغولان کورپه لرده،

قیرقیزلارین باباسی.

ساییلیر چوخ اسکی دن،

دئیر بویوک  آتاسی.

 

قیرقیزلارین آتاسی،

گونش ایشیق گوی دولور.

بویوک ننه لر سایان ،

قیرخ قیزدان قیرقیز اولور.


قیرقیز-تورک طایفا مملکت آدی. 

ایضاحات-قیرقیز افسانه لریندن دی، قیرقیز میللتی نئجه ویجوده گلیب

 

گرگرلی آراز

 

 


BÖLÜM : Şeir,