+0 BƏYƏN
فیل بیلن میمون
بیر کونی اۉرمانده فیل بیلن میمون بحثلشیب قالیشیبدی.
–مېن کتّه‌من. کوچیم هم کۉپ. درختلرنی ایلدیزی بیلن قۉپاریب تشله‌ی آله‌من. سېنینگ قۉلینگدن نیمه کېله‌دی؟
–مېن سېندن کۉره چقّانمن. ایسته‌گن درختگه چیقه آله‌من. درخت‌نینگ شاخیگه دُمیم بیلن آسیلیب اۉینه‌یمن. سېن شونده‌ی قیله آله‌سنمی؟
اولر اۉزلرینی مه‌قته‌ب، بیر-بیرینی یېرگه اوریب زېریکیشیبدی. نهایت بو مسأله‌نی اجریم قیلیب بېریش اوچون اوکّی‌نینگ آلدیگه باریشیبدی.
–بیز‌نینگ فکریمیز بیر جایدن چیقمه‌یپتی. قنی، خالص ایت-چی، کوچ یخشیمی، اېپچیللیکمی؟ – دېب سۉره‌شیبدی.
اولرنینگ مقتنچاقلیگینی کۉرگن اوکّی:
–بونی آلدین سینه‌ب کۉریش کېره‌ک، – دېبدی. – منه بو دریانینگ نه‌ریاغیده بیر توپ آلمه درختی بار. سیزلر باریب شو آلمه‌دن مېنگه ایکّی دانه آلیب کېلیب بېرینگلر. مېن شونگه قره‌ب اجریم قیله‌من.
فیل بیلن میمون یۉلگه توشیشیبدی. اما پیشقیریب آقه‌یاتگن دریادن اۉتیشگه میمون نینگ یوره‌گی بېتله‌مه‌بدی.
–کې، اوستیمگه مینیب آل، – دېبدی فیل غرور بیلن. – مېن کتّه‌من کوچیم هم کۉپ. بونده‌ی سوودن کېچیب اۉتیش مېنگه هېچ گپ اېمس.
میمون فیلگه مینیب دریادن اۉتیبدی. اولر اوکّی ایتگن آلمه تگیگه کېلیشیبدی. بیراق آلمه درختی شو قدَر کتّه، بلند اۉسگن اېکنکی، اونینگ مېوه‌لرینی پستدن توریب تېریش ممکن اېمس اېکن. فیل درختنی ایلدیزی بیلن سوغوریب آلماقچی بۉلیبدی. اما کوچی یېتمه‌بدی.
–تۉخته، بېهوده اورینمه، – دېبدی میمون مقتنچاقلیک بیلن. – بو ایش فقط مېنینگ قۉلیمدن کېله‌دی. منه قره‌ب تور، – دېبدی میمون پیلدیره‌گنیچه درخت تېپه‌سیگه چیقر اېکن.
میمون چیقیب اېنگ یخشی پیشگن آلمه‌لرنی تېریب پستگه تشله‌ی‌وېریبدی. فیل اولرنی ایلیب آلیب بیر جایگه تۉپلبدی. اولر آلمه‌لرنی آلیب ینه ایلگریگی یۉل بیلن دریادن اۉتیشیبدی. اوکّی نینگ آلدیگه باریب، آلیب کېلگن آلمه‌لرنی قۉییشیبدی.
–خۉش، کوچ یخشی اېکنمی، اېپچیللیکمی؟ – دېب سۉربدی اوکّی.
–البته کوچ-قدرت یخشی، – دېبدی فیل.
–همه‌سیدن اېپچیللیک یخشی، – دېب ینه اۉز گپینی معقوللبدی میمون.
–فقط گینه کوچ یاکه اېپچیللیک یخشی دېب بۉلمه‌یدی، – دېبدی اوکّی.
–سیزلر بیر-بیرینگیز نینگ یاردمینگیزسیز آلمه‌نی آلیب کېلالمس اېدینگلر. دریادن فیل نینگ کوچ-قدرتی طفیلی اۉتدینگلر. آلمه‌نی میموننیگ اېپچیللیگی بیلن تېریب آلدینگلر. دېمک کوچ بیلن اېپچیللیک بیرلشگنی یخشی اېکن.
قایناق: ertaklar.uz
کؤچورن: عباس ائلچین