+0 BƏYƏN
سیچان بی اینن پیس‌پیسا خانیم
بیر گون وار ایدی بیر گون یوخویدی. بیر سیچان بی اینن بیر پیس‌پیسا خانیم وار ایدی.
سیچان بی اینن پیس‌پیسا خانیم توی ائلرلر !
بیر گون پیس‌پیسا سیچانا دییَر : قندیمیز یوخدی (یوخدور) گئت قت (قند) تاپ گتیر.
سیچان گئدر خان ائوینه قند گتیره .
سیچان گئدننن (گئدندن) سورا پیس‌پیسا دا چیخار ائشیگه، گئده گئده بیردن توشر دوه آیاغی چوکقورو درین گؤله. هرنه ائلر چیخانماز .
گؤرَر بیر آتلی گئچیر، چاغیرار:
إی گلن آتلی! إی گئدن آتلی !
خان ائوینـه گئدرسن،
پنیر چؤرح(چؤرک) یییَرسن
سیچان بَیه دییَرسن :
پیس خانیم پیستا خانیم توشوپ دوه آیاغی درین گؤله !
تئز گلسین منی چیخاتسین (چیخارتسین).
آتلی هر یئره باخار گؤرَر سس گلیر آما هئش کیم یوخدی!
آتلی گلر خان ائوینه، اوردا شام گئتیرَرلر یئمز!
دییَرلر نییه هئچ زاد یئمیسن؟ نه‌ییندی؟
دییَر یولـدا گلنده بئله بیر سس ائشیدمیشم !
سیچاندا اوتورموشدی دیشین‌نن قند دوغروردی کی بونو ائشیدر .
قندی قنده قویار، او بیرسین بو بیرسینه ،تله سیح(ک) قاچار !
گلر گؤرَر هه! پیس‌پیسا خانیم توشوپ دوه آیاغی درین گؤله !
دییَر:
پیس خانیم پیسدا خانیم
ساچلاری دابان اؤسته خانیم
ألین وئر چکه‌ییم
پیس‌پیسا دییَر :
گئت س…ام آغزان ،
ألیم سندن کوسه‌یی
سیچان دییَر :
ساچین وئر چکه‌ییم
پیس‌پیسا دییَر:
ساچیم دا سندن کوسه‌یی
هرنه سیچان دییَر اولماز!!
سیچان گئدر بیر کسسح(ک) گتیرَر قویار چوکقورون اوستونه ، دییَر :
قال ائله کی اوردا قالاسان!
*بو اؤیکو سالماس آغیزی ایلا یازیلیبدیر. بو اؤیکو تیق تیق خانیم آدی ایلا دا تانیملانیبدیر.
نفیس سینافر
قایناق: ائل بیلیمی ، یئنی قاپی