تورک بالاسی TÜRK BALASI

TÜRK DÜNYASI UŞAQ ƏDƏBİYYATI

آلدانان مؤجک

+0 BƏYƏN
آلدانان مؤجک
بیری بارمئش، بیری یوُقموش. بیر آچ مؤجک بارمئش.

گۆنلرینگ بیرینده بو مؤجک آو گؤزلأپ یؤرکأ، بیر غـوزا دوش گلیأر.
مؤجک بو غـوزئنئ ایجک بوُلوپ:
-ای، غـوزوجئق، من یاش حایوانلارئ ایمرین دیییپ شرط ادیپدیم ولین، اۆچ گۆندن بأری الیمه آو دۆشِنوُق. ایندی سنی ایمِسم بوُلجاق دأل- دیییأر.
غـوزوجئق:
-عایبئ یوُق، مؤجک آقا، سنینگ یالئ بیر اولئ حایوان اؤلندن، غـوی، من اؤلـِیین. سانگا غـوزئنگ اتی سۆیجی بوُلیار دیییپ آیداندئرلار. اوُل اؤرأن دوُغـرودئر یؤنه منینگ اتیمی دوز بیلن بورچ غارئپ ایسنگ، حاس تاغاملئ بوُلار- دیییأر.

اوُندا مؤجک:
- شو آیدان سؤزلرینگی بیر واغتلار بیر گچی حم آیدئپدئ. من اوُنونگ سؤزۆنه غـولاق آسمادئم. ایندی من سنینگ آیدانئنگا ائناندئم، یؤنه سن شوُل آیدان دوز بیلن بورجونگئ تاپئپ بر- دیییأر.
غـوزوجئق:
-دوز بیلن بورجئ تاپئپ برردیم ولین، من شوندان اؤیه گیتسم، منی اؤیده آلئپ غالارلار. اینگ غاوسئ، من شو یرد دورایئن. دوز بیلن بورجئ سنگ اؤزۆنگ تاپئپ گل- دیییأر.
مؤجک:
-بوُلیار، من حأزیر تاپئپ گلرین- دیییپ، ائلغاپ گیدیأر. مؤجک گیدنسوُنگ، غـوزوجئق حم غاچئپ گیدنمیش.
بیر واغتدان سوُنگ، مؤجک گلیپ گؤرسه، غـوزئ یوُق دیییأر. مؤجک آلداناندئغئنئ بیلیپ:
گؤردۆنگ-أ بیر غـوزئ
اتین ایی-ده سۆنگکۆن غازئ
نأمأ گرک بورچ، دوزئ
شوُرسوراپ باریانگمئ، واح آرمان؟!-
دیییپ، باشئنئ آشاق سالئپ، سنگکیلدأپ گیدیبرنمیش. شوُل بارشئنا اؤنگۆندن بیر گچی چئقانمئش.
مؤجک گچأ باقئپ:
-من سنی ایمأگه گلدیم!- دیییأر. اوُندا گچی:
-عایبئ یوُق، مؤجک آقا. یؤنه سن اؤرأن آجئغانسئنگ، بیر منی اییـِنینگ بیلن دوُیمارسئنگ. شو دپأنینگ آنگئرسئندا ایکی سانئ اوُولاجئغئم اوُتلاپ یؤر، غـوی، اۆچۆمیزی حم ایی-ده، بیر دوُی- دیییأر.
مؤجک:
-حانئ اوُندا یؤر گیدِیلی- دیییأر.
گچی:
- گیدنمیز-أ یاغشئ، یؤنه ایکیمیز بیله گیتسک، اوُلار سنی گؤرۆپ غاچارلار. سن بو یرده دور، اؤزۆم اوُلارئ آلئپ گـِلیین- دیییأر. مؤجک حم مونگا ائنانیار.
گچی بوُلسا دپأنینگ اۆستۆندن آنگرئق آشئپ، اوُبا طاراپ غاچیار. مؤجک گچأ شوُنچا غاراشسا-دا، اوُندان حابار بوُلمایار. بیرنأچه واغتدان سوُنگ، مؤجک آلداناندئغئنئ بیلیپ، اؤز-اؤزۆن:
گؤردۆنگ-أ بیر گچی،
اتین ایی-د، غاچئ
نأمأ گرکدی اۆچی،
چاروادار بوُلیامئنگ، واح آرمان؟!
دیییپ، یـِنه گیدیبریأر. بارشئنا، اؤنگۆندن بیر غـویون چئقیار. مؤجک اوُنگا باقئپ:
-غـویون، من سنی اییمأگه گلدیم!- دیییأر.
غـویون:
-ایسنگ اؤرأن غاوئ، مؤجک آقا. من چؤلده حارام اؤلنیمدن، سنینگ یالئ گۆیچلی حایوانا حوروش بوُلانئما بگنیأرین، یؤنه منینگ اوُنگات بیر اوُینوم بار، من سانگا شوُل اوُینئ ادیپ برِئین، اوُنسوُنگ اییرسینگ- دیییأر.
مؤجک:
-اوُنونگ یالئ اوُینونگ بوُلسا، حانئ گؤریلی- دیییپ دائزئنا دۆشۆپ یاتیار.
غـویون تارپ-تارپ ادیپ، ایـِلأک-بـِیلأک بؤکجکلیأر، شوُل بارشئنا حم دپه دن آشئپ، اوُبا طاراپ غاچئبریأر. مؤجک کؤپ گؤزلِشیپ، اؤزۆنینگ آلداناندئغئنئ بیلیپ:
گؤردۆنگ-أ بیر غـویون،
اتیندن ایی-ده دوُیون،
نأمأ گرکدی اوُیون،
اوُیونچئ بوُلیارمئنگ، واح آرمان؟!
دیییپ، یـِنه سنگکیلدأپ گیدیبریأر. شوُل بارشئنا اؤنگۆندن بیر آت چئقار. مؤجک آتا باقئپ:
-من سنی اییمأگه گلدیم- دیییأر.
آت:
-اگر مؤجکلیگینگ چئن بوُلیان بوُلسا، منی اییمأگه حاقئنگ یوُقدور!- دیییأر. اوُندا مؤجک نأمه اۆچین؟ دیییپ سوُرایار.
آت:
-منده مؤجکلرینگ پادئشاسئندان سیزینگ حِممأنگیزه بویروق حاطئ بار. اوُل حاطدا مؤجکلر منی اییمک غاداغان ادییلیپ یازلئپدئر.
مؤجک:
-آت دوُغان من غاتئ آچدئرئن. حر زاتدا بوُلسا، شوُل حاطئ بیر گؤرئین- دیییأر.
آت:
-اوُل حاط منینگ آرتقئ آیاغمئنگ توُینوغئندا برکیدیلندیر- دیییپ، مؤجگ سوُل آیاغئنئ گؤرکزیأر. شوُل واغت مؤجک آتئنگ آرتقئ ایاغنا انگیلیأر ولین، آت حم یاغشئجا چـِمینه سالئپ، غـوشا توُینوغئ بیلن مؤجگینگ مانگلایئنا دپیأر. مؤجگینگ ایکی گؤزی پاتلاپ چئقیار. مؤجک شوُل یاتئشئنا شـِیله دیینمیش:
گؤردۆنگ-أ بیر آت،
اتین اییی-ده یانئندا یات
موُللامئدئنگ، مۆفتی میدینگ،
نأ جانئنگا گرک حاط؟
ائ-وای گؤزۆم، وای گؤزۆم!
ائلایتا-دا چپ گؤزۆم!

تاییارلان:
آرنــه گــلی

BÖLÜM : Nağıl,