TÜRK BALASI

TÜRK DÜNYASI UŞAQ ƏDƏBİYYATI

غارری آتانینگ نصیحتلاری

+0 BƏYƏN

غارری آتانینگ نصیحتلاری

بیر بار اکن بیر یوق اکن ، قدیم زماندا بیر پادشاه بار اکن. او پادشاه عیال -ارکک دییمأن، غارری آدم بولسا، چؤله تاشلار اکن. بول پادشاه نینگ اؤز نوکر لریندان بیرینینگ غارری آتاسی بار اکن. اوْل بیر گون غارری آتاسینی آرقاسینا آلیب ، بیر چؤله تاشلاماق اوچین اوغرایار. باریارکا، خالیص یاداب" بیر آزجیق دینج آلاین" دییب، بیر توممِگینگ اوستونده اوتوریأر. شول وقت آتاسی لاح لاح ادیب گولیأر.

اوندا اوغلی :
آتا ، من سنی چؤله تاشلاماغا باریارین 

سن بولسا  گولیأرسینگ-لا بول نامه بولدیغی ؟ دییأر.

 

 

 





آتاسی: اوغلوم ، من هم بیر وقتلار آتامی چؤله تاشلاماق اوچین باریارکام، شول توممگینگ اوستونده دینجیمی آلیپدیم.

" گولمه غونگشینگا گیلر باشینگا "

دیینلری بولدی. سن هم منینگ اوتوران یریمده اوتوردینگ من اینها شونگا گولیأرین، اوغلوم دیین.

 اوغلی : آتا من هم غاررامدا چؤله اکیدیب تاشلارلارمی؟ دییب سوراپدیر.
آتاسی: البته اوغولوم، غاررانگدا سنأم چؤله تاشلارلار دییبدیر.
ای آتا جان بیله بولسا، من سنی تاشلاجاق دأل - دییب، اوغلی ینه ده آتاسینی آرقاسینا آلیپ اؤیونه غایدیپدیر.

اول آتاسینی اؤیونه گیتیریب، بیر ساندیغینگ ایچینه سالیپ، آغزینی غولپلاپ غویوپدیر. هیچ آداما گؤرکزمأن، آدام یوق وقتی ساندیقدان چیقاریپ، آدام بار وقتی هم ساندیغا سالیپ، ساقلاپ یوروپدیر.

گونلرده بیر گون پادشاه هممه آتلی لارینی یغناپ:

ارتیر من آب زمزم سووندان ایچمأگه گیتجأک، هممأنگیز شونگا چینلی شاینگیزی توتونگ – دییب تابشیریپدیر.

بول اوغلان بولسا اؤیونه گیلیپ، آتاسینی ساندیقدان چیقاریپ:

ای آتا جان، پادشاهمیز: آب زمزم نینگ سووندان ایچیپ گیلجِک، دییب ارتیر اوغراجاق بولیار دیبییپدیر.
آتاسی: ای اوغلوم من بیر نأچه زات اؤوره دیین، شونی اتسنگ، آب زمزم نینگ سووندان تاپارسینگ – دیییپدیر.

اوغلان : ای آتام من سنی هم ساندیغا سالیپ، اوزوم بیلن آلیپ گیده‌ین – دیییپدیر.

آتاسی : بولیار، یؤنه سن بیر بالیق، بیر اؤکوز، بأش اون دانه غارپیزچیگیدینی آلیپ، اوزونگ بیلن گؤتِر دیین. اوغلی هم بول زاتلارینگ هممه سینی آلیپ، پادشاه نینگ حوضورنا اوغراپدیر. شول وقت آتاسی: ای اوغلوم، فلان یرده بیر چؤل باردیر، سو یوقدور، شوندا غوشنینگ سووی غوتارار. شول یرده اؤکوزی اوز باشینا غوی‌بریپ، ایزینا دوشیبر، اؤکوز باریپ بیر یری سوٌسر، شول یری غازسانگ، دررو سو چیقار دیین. آتاسی بیله کی زاتلارینگ نامه گریکدیگینی اوغلونا آیدیپ ‌بریپدیر. اونسونگ اول آتاسینی ساندیقدا گیزلأپ، یانگقی زاتلارام آلیپ، پادشاه نینگ یانینا باریپدیر.

پادشاه : ای نؤکریم، بول اؤکوزی نامه اوچین گؤتِردینگ ؟ - دیییپ سوران. اوندا اوْل

اوغلان : ای پادشام، یولدا آزیغیمیز غوتارسا، بول اؤکوز گرک بولار – دیییپ آیدان. بولار بیرنأچه گون یول یؤرانلریندأن سونگ، غارری نینگ آیدان شول چؤلینه باریپ یتیشیپدیرلر. آداملار شول چؤلینگ ایچینده سوساپ، اؤلره یاقینلاشیپدیرلار. شول وقت اوغلان اؤکوزی اؤز اوغرونا غوی‌بریپدیر.

هممه لر اؤکوزینگ ایزینا دوشی‌بریپدیرلر. اؤکوز- دا بارا- بارا بیر یره باریپ، یری شاخی بیلن دؤرو‌بریپدیر. اوغلانام یولداشلاری بیلن شول یری غازماغا باشلاپدیر.
آزاجیق غازیپدیرلار ولین، سو چوغوپ، چشمه یالی آقیپ گیدی‌بیریپدیر. بول قدرتی گؤروپ، پادشاه اوز دفترینده بِللأپدیر. بولار سودان غانیپ، دم دینچلارینی آلیپدیرلار. بولار اوغراماقچی بولانلاریندا، ایله دویدورمان،
  آتاسی اوغلونا: 

ایندی، اوغلوم، گیتیرین چیگیدینگی شول سووا سپیپ غوی‌بر، غایدیپ گیلینچأک، غارپیز بولوپ یتیشر- دیییپدیر. اوغلی هم آتاسی نینگ آیداینی یالی ادیپدیر.

 

 





 

پادشاه مونی هم اؤز دفترینه بیللأپدیر.
اونسونگ بولار اوغراپدیرلار. بیر یره یتیپ باریارکالر، اوغلانینگ آتاسی:
اوغلوم، شول بایاقی بالیغینگ بارمی؟ اگر بار بولسا، اینها، قیرق چشمه باراریس، اوندا دوشأریس، شولارینگ اچینده بیر چشمه آب زمزمینگ سوویدیر. ایل هایسی چشمه دوش گیلسه، ایچر یورر ولین، سن شول بالیغینگی هر چشمه بارانگدا، باتیریپ گؤر، شول بالیق آب زمزمینگ چشمه سینه دوشنده جانلانار دا الینگدان چیقار گید‌ی‌بیرر، آنا شول آب زمزم چشمه سی دیر. یات-دا ایچ، سونگوندان هم کویزأنگی دولدورپ، آل-دا غایدی‌بر دیییپدیر. 
بولار شول گیدیپ اوتوریشلارنا آخیر سونگی شول چشمه لره باریپ یتیأرلر. بول اوغلان هم شول بالیغی آتاسینینگ آیدیشینی ادیأر ولین، بیر چشما باتیراندا، یانگقی اولی بالیق دیرلیأرده گیدیأر. اوغلان بالیغینگ دیرلین چشمه سیندان ایچیار، کویزأ سینی ده دولدرپ آلیار. بولار شول یردان ایزا اوریلیأرلر.
بولار شول گیلیشلرینه غارپیزچیگیدی سپیلن یره گیلیأرلر، گؤرسه لر بیشیپ، چاغلینگ داشی یالی بولوپ یاتیرمیش. مونی هم پادشاه گؤروپ، حیران غالیپ، دفترینه بیللأپدیر. غارپیزلاردان هم گؤتریپ بیلنلرینی آلیپ، یولا دوشوپدیرلر. بولار بیر یرلره باراندا، دونیانیگ یوزینی دومان غاپلاپ، غاتی غارنگقی بولان. 
شول وقت اوغلانینگ آتاسی :
اوغلوم، شو وقت یردان گوترارب بیلن داشنگینی آل، آلیپ بولانگ سونگ، 

دویانگی مین-دأ : آلانام آرمانلی آلمادیق هم آرمانلی ، دیییپ قیغر دیییپدیر.

 

 

 

 




اوغلان شیله هم ادیپدیر. گوتریبلن داشیندان اوچ سانیسینی دویه سینه یوکلأپده سونگام: ,, آلانام آرمالی، آلمادیق هم،، دیییپ قیغیری‌بریپدیر. اونونگ بیله‌کی یولداشلاری هم: ,, بول دألیرأپدیر،، دیییپ، اونگا سؤگوپدیرلر.

پادشاه مونی هم اشیدیپ دفترینه یازیپدیر. شیدیپ، بولار ساغ -امان اؤیلرینه غایدیپ باریپدیرلار. بارانلاریندان سونگ، پادشاه اول اوغلانی یانینا چاغیریپ، ادن ایشلرینی بیرمه – بیر سوراپدیر.

اوغلان : ای پادشاهم، بیر چمچه غانیمی گچسنگ، آیدایین – دیین.

پادشاه : هر ایش ادن بولسانگ – دا گچدیم – دیییپدیر.

اوغلان : ای، پادشاهم، من آتامی چؤله تاشلاماغا باریارکام، بیر یرده دینچ آلماغا اوتردیم ولین، آتام : " من هم اوز آتامی چؤله تاشلاماغا باریارکام، شول یرده دینچ آلیپ اوتیپدیم" دیدی. اونسونگ التیپ تاشلاماغا منینگ گوزیم قیمان، گتیریپ، هیچ کیمه گؤرکزمأن ساقلادیم. سونگ بولسا، سیزینگ آب زمزم سوونا گیدیأنینگیزی اونگا آیدانیمدا، اول مانگا : " بیر اؤکوز، اون – اون بأش دانه غارپیز چیگیت، بیر بالیق آل " دیدی. من هم اونونگ دیینلرینی ادیپ، اوزینی ده ساندیغا سالیپ، اوزیم بین آلیپ گیتدیم. اِنه، شول ایشلرینگ هممه سینی آتامینگ دیینی بیلن اتدیم. بیزی اؤلومدن غوتارانام شول – دیین.

پادشاه : شول غرانگقی گیجه نامه اوچین قیغردینگ ؟ - دیین.

اوغلان : اِنه منینگ شول غرانگقی گیجه ده آلان داشلاریم – دیییپ، اوچ سانی داشی گورکأزن. بولارینگ بیری غیزیل ، بیری گوهر، بیری ده شام چراغ اکن. 

پادشاه مونگا حیران غالیپ، سونگ غارری آدم لاری چؤله تاشلاماغی غاداغان ادیپدیر. آتاسینینگ نصیحتینا غولاق آسیپ، گؤره‌لدِلی ایش ادن اوغلانینگ خاطراسی اوچین ایل قیرق گیجه – گوندیز توماشا توتوپ، ماقصد – مرادینا یتیپدیر.

 قایناق: ائلچین کتاب


BÖLÜM : Nağıl,