تورک بالاسی TÜRK BALASI

TÜRK DÜNYASI UŞAQ ƏDƏBİYYATI

گؤیچک پاطما‌نئنگ ناقئلی

+0 BƏYƏN

گؤیچک پاطما‌نئنگ ناقئلی

بیری بارمئش، بیری یوق مئش، بیر کیشی بارمئش. بو کیشی‌نینگ بیر عایالی و شول عایالدان پاطما آدئندا کؤپ عاقئللی و آوادان غئزی بارمئش. بیر گون پاطما‌نئنگ انه سی ناخوشلانیار و غئزئنا دئییار کی، من اؤلمدن سونگرا آتانگ تأزه زنان آلجاق و او زنان سنی چوخ ائنجئدجاق. امما قارا اینگمیزدن حاباردار بول، اونی اؤزونگ اوتار. غئزئنگ انه سی اؤلیار و آتاسی گیدیپ باشغا بیر عایال آلیار. بو عایالئنگ دا اؤنگکی أریندن بیر یامان غئزی بارمئش. عایال گؤیچک پاطمانی کؤپ اوروپ ائنجئدارمیش . پاطما صابئر ادیپ ، هر گون غارا اینگی اوتارماغا أکیدرمیش . پاطما‌نئنگ انه لیگی اونگا یونگ، داراق بررمیش کی، چؤلده داراپ گتیرسین. پاطما یونگی اینگینگ آغزئنا بررمیش. غارا اینک یونگی یوودئپ، سونگرا حاضئرادیپ آغزئندان چئقارئپ پاطما بررمیش. بیر گون پاطما یونگ دارادیغی یرده یل اونونگ داراپ غویون یونگونینگ بیرینی گؤتوروپ هاوایا غالدئردی . پاطما اونگ ائزئندان یورتوپ دیدی: - غاناتئنگا غوربان، یل بابا، دارادئق یونگومی سال، بابا! یئل اونونگ یونگونی بیر غاپئدان سالدی. پاطما اؤیه گیریپ گؤردی کی، بویرده بیر هایباتلی غارری اوتوروپ، آشاقی دوداغی یر سوپوریار، اوسکی دوداغی گؤنگ. غارری غاباغئنا بیر غورباقا غویوپ اونی سئغاللایار. اول، دؤو انه سی دی. پاطما غاررا باش انگیپ دیدی: - منینگ یونگومی بر. غارری دیدی: - گل باشئمی گؤززه، سونگرا بررین. پاطما اونونگ باشئنا باقاندا گؤردی کی، یئلان-غورباقا بیلن دولی. - غارری سوراشدی: منینگ باشئم یاغشئمی، یا اننگ باشی؟ پاطما دیدی: - سنگکی یاغشی. غارری سوراشدی: - بو غورباقا گؤزل می، یوغسا ائنسان؟ پاطما دیدی: - کؤنگول سؤین گؤزل دئر. پاطما‌نئنگ سؤزلری غاررئیا خوش گلدی. غارری اونونگ یونگونی بریپ دیدی: - گیدرسینگ، اؤنگونگدن بیر آق سوو، بیر غارا سوو و سونگرا بیر غئرمئزی سوو چئقار. آق سووا چومرسینگ، غارا سو بیلن ساچئنگی یووارسئنگ، غاشئنگا، کیرپیگینگه چکرسینگ، غئرمئزی سوودان یانگاقلارئنگا سورترسینگ. بیر ده غارری اؤز تویوندن بریپ دیدی کی، سانگا گرک بولسام، یاندئرارسئنگ، یا‌نئنگدا حاضیر بولارئن. پاطما تویی گؤتوروپ گیتدی. گؤردی کی ادیل غاررئنگ آیدئشی یالی . اؤنگوندأکی آق سووا چومدی، سونگرا غارا سودا ساچلارئنی یوودی و غئرمئزی سودان گؤتوروپ دوداغئنا، یانگاقلارئنا چکدی. شیله بیر آوادان بولدی کی، دنگی، تایی بولمادی. اؤوی انه سی پاطما‌نئنگ گیجأ غالاننی گؤروپ غئزئنا دیدی: - چئق، گؤر پاطما نأمه بولدی؟ غئزی چئقئپ گؤردی کی، پاطما گلیار، امما شیله بیر گؤزللَشیپ دیر کی، آدام باقاندا گؤزی غاماشیار. پاطما اؤیه گلنده اؤوی انه سی اونی بارلادی. غئزئنگ گؤزللشدیگینی گؤروپ سوراشدی: - نیردن سن بیله گؤزل بولدونگ؟! پاطما باشئنا گلنی اؤوی انه سینه سؤیله‌دی. او دا ارتسی گونی پاطماغا دیدی کی، سن اؤیده اوتور، غوی بو گون منینگ غئزئم اینگی اوتارماغا گیتسین. انه اؤز غئزئنا یونگ، داراق بردی. یل مونوگ دا یونگونی گؤتوروپ أکیتدی و گتیردی شول غاپئدان سالدی. غئز یونگونینگ ائزئندان یورتوپ اچری گیردی و غاررا دیدی : - یونگومی بر . غارری دیدی: - باشئما باق، سونگرا بررین. غئز اونونگ باشئنا باقاندا غارری سوراشدی: - منینگ باشئم یاغشئمئدئر، یوغسا اننگ باشی؟ غئز دیدی: - سنینگ باشئنگ پیسدیر، انه مئنگ باشی یاغشئدئر. غاررئنگ مونگا غاهاری گلیپ دیدی: - گیدرسینگ، اؤنگونگدن بیر آق سوو چئقار، بیر غارا سوو. غارا سوودا چومرسینگ، آق سوودا باشئنگی یووارسئنگ. غئز آق سوودا باشئنی یوووپ غارا سوودا چومدی ،اؤنگکیدن ده بتر یاقئمسئز بولدی. انه سی مونی گؤروپ پاطما غاتی غاهاری گلیپ حیرصئندان آز غالدی چاتلاسین. پاطما‌نئنگ غاهارئنا ایسله‌دی اونونگ اینگینی اؤلدورسون. چونکی ایشلرینگ باشی اینک دی. بیر گون عایال اؤزونه بیر-ایکی لاواش باغلاپ، یوزونه زعفران چکیپ گیردی یورغان-دوشگه. أری اؤیه گلنده عایال بیر او یانا، بیر بو یانا دؤندی، غوری لاواشی آشاغئندا سس اتدی. أری سوراشدی: - عایال، سانگا نأمه بولدی کی سونک لرینگ شیله شاقئردایار، رنگکینگ بولسا شیله سارالئپ دئر؟ عایال دیدی: - غاتی ناخوش من، اؤلیارئن، غارا اینگی گرَک اؤلدورملی. اونونگ اتیندن ایسم، بلکی دیری غالارئن. کیشی ایسلمه‌دی پاطما‌نگ اینگینی کسسین. امما عالاج تاپمان دیدی: - غوی پاطما اؤیدن بیر یانا گیتسین، اینگی کسرین. اینک بولارئنگ پیکرینی دوشونوپ پاطما دیدی: - منی اؤلدورجکلر. سن منینگ اتیمدن ایمه و سونککلریمی یئغناپ بیر یئرده باسدئر. هر واغئت ایسلسنگ گل او یرینگ، اوستونی آچ، اول یرده بیر دست کؤینک و بیر جوویت غئزئل کؤویش تاپارسئنگ.

پاطما اینک بیلن اؤیه غایداندا آتاسی اونی ایش ائزئندان گؤندریپ اینگی کسدی. پاطما غایداندا اینگینی اؤلی گؤروپ کؤپ آغلادی. اینگینگ اتیندن هیچ ایمدی و سونکلرینی ییغناپ بیر یرده گؤمدی. ارتسی خابار چئقدی کی، پادشاهئنگ اوغلونا توی بولجاق. پاطما‌نئنگ اؤوی انه سی یره بیر چاناق داری سپیپ دیدی کی، بولاری بیر-بیرچاناغا یئغنارسئنگ . یا‌نئندا بیر کویزه غویوپ دیدی: - مونی دا آغلاپ گؤز یاشئنگ بیلن دولدورارسئنگ. اؤز غئزئنی دا گییندیریپ-کجیندیریپ تویا أکیتدی. پاطما اؤرأن غمگین اوتوروپ آغلاماغا باشلادی. بیردن غارری دؤو یادئنا دوشدی. اونونگ برن تویونی یاندئردی. شول ساغاتدا غارری حاضئر بولدی. پاطما باشئنا گلنی اونگا سؤیله‌دی. غارری دیدی: - غمگین بولما، تئزلئقدا هممسی دوغرالار. غارری آیاغئنی یره اوردی. شول واغئت یردن بیر تووق یا‌نی‌ جویجه‌لری بیلن چئقدی، دارینی تمیز ایدیلر، چاناغی غارری‌نئنگ گتیردیگی باشغا داری بیلن دولدوردولار. غارری پاطما دیدی: - کویزأنی ده تمیز سو بیلن دولدوروپ ایچینه بیر آز دوز دؤک، او دا گؤز یاشی بولسون. سونگرا پاطما بیلن غارری گیتدیلر اینگینگ سونکونونگ باسدئرئلان یرنه. شو یری غازئپ گؤردولر کی، بیر دست ظریف یوپک پارچادان کؤینک و بیر جوویت غئزئل کؤووش چئقدی. شول یرده کأن غئزئل دا باردی. غارری کؤینگی، کؤووشی پاطما گییندیردی و بیر آز غئزئل، بیر آز دا توپراق گؤتوروپ پاطما بیلن تویا گیتدیلر. تویدا غارری دیدی: - بو غئز منینگ آغتئغئم دئر، غویونگ بو دا اویناسئن. اول، پاطما‌نئنگ بیر جووسینه غئزئل، بیر جووسینه ده توپراق غویوپ تاپشئردی کی، اؤوی انه سینینگ طارافئنا اویناندا اولارئنگ اوستونه توپراق سپ، باشغالارئنگ طارفئنا اویناندا غئزئل. پاطما دا کأن یاغشی اوینایاردی.

 

 

هممه لر اونونگ اویناشئنا حایران بولدولار. غارری نأمه دیین بولسا، شیله بولدی. اؤوی انه سینینگ طارافئنا اویناندا توپراق سپدی، باشغالارئنگ طارفئنا اویناندا غئزئل. اویناندان سونگرا پاطما تئزلئق بیلن اؤیه غاییتدی . کأن هاولوغانسانگ کؤپرودن گچنده کؤوشینینگ بیر تایینی سووا غاچئردی. پاطما‌نئنگ اؤوی انه سی تویدان غئزی بیلن غایدئپ گلنده گؤردو کی، پاطما اؤیده اوتوروپ، تاپشئردئغی ایشلری ده یرینه یتیریپ دیر. اول، کؤپ غاضابدادی . پاطما سوراشدی: - آی انه، تویدا نأمه گؤردونگوز؟ اؤوی انه سی غاهار بیلن دیدی کی، هیچ زاد گؤرمدیک، بیر گونی غارا گلمیش غئز چئقدی، اوینادی، اؤزیده سانگا منگزیاردی. بیز طارفا اویناندا توپراق سپردی، باشغالارئنگ طارافئنا اویناندا غئزئل-کوموش سپردی. پاطما دیدی: - من اؤیدن چؤله چئقمادئم، سنگ بویوردوغونگ ایشلری بیتیردیم. بیر گون پادشاهئنگ اوغلی آوا چئقدی. کؤپرینینگ یا‌نئندان گچنده ایسله دی کی، آتئنا سوو برسین. آت سووا یاقئنلاشدی امما ایچمدی. پادشانئنگ اوغلی آدام سالدئرئپ چایی بارلادی. چایدان بیر غئزئل کؤووش تاپدئلار. کؤووش غاتی ظریف دی.، پادشانگ اوغلونا کؤپ خوش گلدی. ایسله‌دی کی، نأ هیلی بولسا، گؤززأپ اونونگ ایه‌سینی تاپسئن و اؤزونه آلسئن. کأن گزدیلر، تاپمادئلار. جارچئلار جار چکنده پاطما‌نئنگ اؤوی انه سی اشیتدی، اونونگ ال-آیاغغنی باغلاپ تامدئرا سالدی. پادشانگ اوغلونونگ آداملاری آختارا-آختارا گلیپ پاطمالانگ اؤیونه یتدیلر. گؤرنکسیز غئزئنگ آیاغئنا کؤووشی گیدیردیلر، بولمادی. سوراشدولار کی، سیزینگ اؤینگیزده باشغا غئز یوقمی؟ پاطما‌نئنگ اؤوی انه سی یوق دیییپ جوغاپ بردی . پاطما‌نگ بیر خوروزی باردی، بو خوروز غئغئرماغا باشلادی : پاطما باجئم تامدئردا، آیاقلاری کندیرده! عایال ناقادار ایسله‌دی کی خوروز غویسون،امما بولمادی. خوروز تامئنگ اوستونه اوچوپ، گویچلی سس بیلن غئغئردی: پاطما باجئم تامدئردا، آیاقلاری کندیرده! پادشانگ آداملاری مونی اشیدیپ، تامدئری باقدئلار. گؤردولر کی، اونونگ ایچینده ال-آیاغی کندیربیلن باغلانمئش بیر گؤزل غئز بار. غئزی چئقارئپ کؤووشی اونونگ آیاغئنا گیدیردیلر. گؤردولر کی، کؤووش شیله اونونگ آیاغئنا بیچیلیپ دیر. غئزی پادشاهئنگ اوغلونا أکیتدیلر. پادشانگ اوغلی قیزی گؤرن واغتی جانی-دیلدن عاشئق بولدی و یدی گون، یدی گئجه توی ادیپ پاطمانی اؤزونه یار ادیندی. ایدیلر، ایچدیلر، یره کچدیلر. سیز ده ایینگ، ایچینگ، مورادئنگئزا یتیشینگ!

تورکمنچأ گؤچورن : کریم بهرامی کؤچورن: عباس ائلچین

 


BÖLÜM: Nağıl,